2026 жылғы түлектерге арналған аттестат тапсыру салтанаты

Мектебімізде 2026 жылғы түлектерге арналған аттестат тапсыру салтанаты өтті. Бұл күн – түлектер үшін ғана емес, ата-аналар мен ұстаздар үшін де ерекше әрі толқынысқа толы сәт. Он бір жыл бойы білім нәрімен сусындап, мектеп қабырғасында тәрбиеленген шәкірттеріміз үлкен өмірге қанат қақты. Іс шара барысында мектеп директоры құттықтау сөз сөйлеп, түлектерге ақ жол тіледі. Сонымен қатар ата-аналар мен ұстаздар жылы лебіздерін білдіріп, шәкірттерге сенім мен ізгі тілектерін арнады. Көптен күткен аттестаттар табысталып, үздік жетістіктерімен ерекшеленген түлектер марапатталды.