«Менің сүйікті журналым» атты кітапхана сабағы

Аманжол Тұрғымбаев атындағы №7 ЖОББМ

«Балалар кітапханасы» бағдарламасы аясында

23 сәуір-Ұлттық кітап күні

Мақсаты: оқушылардың журналдар мен газеттерге деген қызығушылығын арттыру, оқу мәдениетін қалыптастыру және бос уақыттарын тиімді пайдалануға баулу.

Аманжол Тұрғымбаев атындағы №7 ЖОББ мектебінде 2026 жылы сәуір айының 15 күні 23 сәуір – Ұлттық кітап күніне орай 4-сынып оқушыларымен «Менің сүйікті журналым» атты кітапхана сабағы өткізілді.

Сабақ барысында оқушылар «Жас дарын», «Мөлдір бұлақ» журналдарымен және «Білім әлемі» газетімен танысып, өздерінің сүйікті басылымдары туралы ой бөлісті. Басылымдардың мазмұны, ерекшеліктері мен пайдасы туралы кеңінен ақпарат берілді.Сонымен қатар, «Мөлдір бұлақ» журналының соңғы бетіндегі құпия суреттерді оқушылар қызығушылықпен қарап, ерекше әсер алды.

Іс-шара барысында аталған журналдар мен газеттерде мектебіміздің дарынды ақын оқушыларының шығармалары мен өлеңдері жарияланып жүргені туралы да айтылып, оқушыларға үлкен мотивация берілді.Оқушылар белсенділік танытып, сұрақ-жауапқа қатысып, өз ойларын еркін жеткізді. Іс-шара танымдық әрі қызықты деңгейде өтті.