Инклюзия және ерекше білім беру қажеттіліктері бар балалар мен олардың отбасыларын бейімдеу мәселелері бойынша сабақтар ұйымдастыру туралы
Аманжол Тұрғымбаев атындағы №7 жалпы орта білім беретін мектебінде қазан айында инклюзивті білім беруді дамыту, ерекше білім беру қажеттіліктері бар балаларды білім беру ортасына тиімді бейімдеу және педагогтерге педагогикалық қолдау көрсету мақсатында арнайы сабақтар ұйымдастырылды.
Ұйымдастырылған жұмыстардың негізгі мақсаты – білім алушылардың әлеуметтік ортаға бейімделуіне жағдай жасау, толерантты қарым-қатынас қалыптастыру, ата-аналар мен педагогтердің инклюзивті білім беру туралы ақпараттық сауаттылығын арттыру және психологиялық қолдау көрсету.
Сабақтар барысында:
- инклюзивті білім берудің негізгі қағидаттары түсіндірілді;
- ерекше білім беру қажеттіліктері бар балаларды қолдау жолдары қарастырылды;
- бейімдеу кезеңіндегі психологиялық қиындықтарды жеңу тәсілдері талқыланды;
- педагогтарға тиімді оқыту әдістері мен саралап оқыту тәсілдері ұсынылды.
Сонымен қатар білім алушылар арасында өзара құрмет, қолдау көрсету, кемсітушіліктің алдын алу тақырыптарында тәрбие сағаттары өткізілді. Педагог-психолог тарапынан жеке және топтық кеңес беру жұмыстары жүргізілді.
