«Адам құқығы және балаларды зорлық-зомбылықтан және буллингтен қорғау» тақырыбында түсіндіру дәрісі

Ағымдағы жылдың мамыр айының 21 күні ДҚТЖО-ның ұйымдастыруымен 11сынып оқушылары арасында «Адам құқығы және балаларды зорлық-зомбылықтан және буллингтен қорғау» тақырыбында түсіндіру дәрісі өткізілді.
     Мақсаты: Адам құқықтары туралы жалпы түсінік беру.
- Балалар мен жасөспірімдерді зорлық-зомбылық, буллинг және кибербуллингтен қорғаудың маңызын ұғындыру.
- Оқушылардың құқықтық сауаттылығын арттыру.
- Өзін және өзгелерді қорғау жолдарын түсіндіру, сенімді қарым-қатынас қалыптастыру.
         Дәріс барысында мектеп психологы мен әлеуметтік педагог оқушыларға адам құқықтарының негізгі принциптері, бала құқықтары туралы БҰҰ Конвенциясы, зорлық-зомбылық түрлері, буллингтің психологиялық және құқықтық салдары туралы кеңінен түсіндірді. Оқушылармен жағдаяттарды талдау, пікір алмасу, сұрақ-жауап ұйымдастырылды. «Сенім телефоны», көмек көрсету орталықтары туралы ақпарат берілді.
Бұл дәріс оқушыларға өз құқықтарын білу мен қорғау қажеттігін, зорлық-зомбылық пен буллингке қарсы тұру жолдарын түсінуге көмектесті. Шара құқықтық сана мен қауіпсіз мінез-құлықты қалыптастыруға оң ықпал етті.