Ұлттық бірыңғай тестілеуге дайындық аясында ата-аналармен түсіндіру жұмысы жүргізілді.

Мектепте 2025 жылғы Ұлттық бірыңғай тестілеуге дайындық аясында ата-аналармен түсіндіру жұмысы жүргізілді. Іс-шараның мақсаты — ата-аналарды ҰБТ-ның ережелерімен, форматымен, тіркелу тәртібімен, оқу жылы бойы жүргізілетін дайындық жұмыстарының барысымен таныстыру, сондай-ақ психологиялық қолдаудың маңыздылығын түсіндіру болды.  

Кездесу барысында мектеп әкімшілігі мен пән мұғалімдері ата-аналарға балаларының жауапкершілігін арттыру, үй жағдайында қолдау көрсету, уақтылы демалыс пен тиімді дайындық режимін ұйымдастыру туралы кеңестер берді. Сонымен қатар, өткен жылдардағы нәтиже сараланып, алдағы мақсат-міндеттер айқындалды.