«Балдәурен» жазғы лагерінің ашылуы
Аманжол Тұрғымбаев атындағы №7 ЖОББМ «Балдәурен» жазғы лагерінің ашылуы
2026 жылғы 1 маусым күні Аманжол Тұрғымбаев атындағы №7 жалпы орта білім беретін мектебінде «Балдәурен» жазғы лагерінің салтанатты ашылу рәсімі жоғары деңгейде өтті.
Іс-шара барысында мектеп директоры Көкрекбаева Л.Б. құттықтау сөз сөйлеп, оқушыларды көптен күткен жазғы демалыстың басталуымен құттықтады. Өз сөзінде балаларға көтеріңкі көңіл-күй, қызықты да мазмұнды демалыс, жаңа достар мен ұмытылмас әсерлер, зор денсаулық пен жарқын жетістіктер тіледі.
Мерекелік бағдарлама аясында түрлі қызықты ойындар, көңілді сайыстар мен танымдық іс-шаралар ұйымдастырылып, балалар көтеріңкі көңіл-күйге бөленді. Лагерьдің алғашқы күні шаттыққа, қуанышқа және жарқын эмоцияларға толы болды.
