Жас талантты ақындар

         Өмір маған үйретті

Өмір маған үйретті жыламауды, 

Алладан басқа ешкімнен сұрамауды.

Бақыт кетсе артынан жүгірмей-ақ,

Берілмеуді, өмірден жеңілмеуді.

Өмір маған үйретті құламауды,

Құласам да, ешқашан жыламауды.            

Болмайтын адамдарға уақыт арнап,

Мейірім мен махаббат сұрамауды.

Өмір маған үйретті шүкірлікті,

Жақсы көріп, кешіру, үлкендікті.

Тағдыр салса Алланың сынағы деп,

Көтерген жөн сабырмен қателікті

Жамбыл обылысы,Меркі ауданы 

А.Тұрғымбаев атындағы №7 ЖОББМ –нің

 10-сынып оқушысы Қартпай Майра

   Төрт мезгіл

Жаздың жұпар жасыл шөбін еске алып,

Аңсаймын көп бұлақ суын айдынды.

Кеш уақыты күн батады қызарып,

Уақыт, шіркін, бір орында тұрмайды.

Ұшып-қонды, қоныстанды жыл құсы, 

Көгал көктеп, келді көктем тұрмысы.

Сағынамын арайлы таң шапағын, 

Неткен әсем көктемнің бұл болмысы.

Аю, кірпі, тиін, борсық ұйқысына жатады,

Жер жамылды ақ киім, аппақ қарды.

Салқын түсті киініп ап жып-жылы,

Кезуші ем артта біраз із қалды.

Алқаптарда алтын астық төгілді,

Тырна көшті қатар-қатар тізіліп.

Жауып жатыр бұл күні жаңбыр жиі,                                                                       

  Алма пісіп, алмұрт, жаңғақ үзіліп.            

Жамбыл обылысы,Меркі ауданы 

А.Тұрғымбаев атындағы №7 ЖОББМ –нің

 11-сынып оқушысы Нарымбетов Шынғысхан