«Алтын сақа» зияткерлік олимпиадасының мектепішілік кезеңі өткізілді

2025 жылдың  3 қазан күні мектебімізде «Алтын сақа» зияткерлік олимпиадасының мектепішілік кезеңі өткізілді. Олимпиаданың мақсаты – оқушылардың ой-өрісін кеңейту, логикалық ойлау қабілетін дамыту және ұлттық құндылықтар негізінде білімге деген қызығушылығын арттыру.

Іс-шараға 3–4 сынып аралығындағы оқушылар қатысты. Қатысушыларға математика, логикалық тапсырмалар  бойынша тест сұрақтары ұсынылды.

Олимпиада әділ және жоғары деңгейде ұйымдастырылды. Қатысушылардың жұмыстары арнайы құрылған комиссия мүшелері тарапынан бағаланып, жоғары нәтижеге ие болған оқушылар аудандық кезеңге ұсынылды.