5 күндік оқу-далалық жиыны

Ағымдағы жылдың 26-30 мамыр аралығында Аманжол Тұрғымбаев атындағы №7 жалпы орта білім беретін мектебінің алғашқы әскери және технологиялық дайындық пәні бойынша 10 сыныптың (ер балаларына) арналған 5 күндік оқу-далалық жиыны ұйымдастырылып, сәтті өткізілді.
      Оқу – далалық жаттығу жиынының мақсаты:
-    Оқушылардың әскери-патриоттық тәрбиесін нығайту.-    Оқушылардың теориялық білімдерін практикалық тұрғыдан шыңдау.-    Әскери іс-қимылдар мен алғашқы медициналық көмек көрсету дағдыларын қалыптастыру.-    Жасөспірімдерді елжандылыққа, тәртіпке және жауапкершілікке баулу. 5-күндік оқу-далалық жиынына 10 сынып оқушыларының 10 ұл баласы 100 пайыз қатысты. Жиын барысында оқушылар саптық дайындық, әскери жарғылар, қару-жарақпен танысу, далалық жағдайдағы өмір сүру негіздері және алғашқы көмек көрсету сабақтарынан өтті. Сондай-ақ, спорттық жарыстар мен топтық тапсырмалар ұйымдастырылып, оқушылардың физикалық және психологиялық төзімділіктері сыналды.
     5 күндік оқу-далалық жиын оқушылардың әскери білімін бекітіп, ұжымдық жұмыс, тәртіп және жауапкершілік дағдыларын дамытуға ықпал етті. Іс-шара жоғарғы деңгейде өтіп, қатысушылар жағымды әсер алды.