«Әскери даңқ» бұрышының ашылуы

Ағымдағы жылдың 11 сәуір күні Аманжол Тұрғымбаев атындағы №7 жалпы орта білім беретін мектебінде 09 сәуір мен 9 мамыр аралығында өткізілетің Ұлы Отан соғысындағы Жеңістің 80 жылдығына және Қазақстан Республикасының Қарулы Күштерінің 33 арналған  «Әскери даңқ» бұрышын мектебіміздің кітапханашы М.Каимбаеваның ұйымдастыруымен қойылды.  Әскери даңқ бұрышы оқушылардың бойында Отанға деген сүйіспеншілік пен патриоттық сезімді тәрбиелеуге арналған арнайы ұйымдастырылған ақпараттық-танымдық кеңістік. 
Негізгі мақсаттары:
1. Патриоттық тәрбие: Оқушыларды Отан қорғаушылардың ерлігімен таныстыра отырып, олардың бойында отансүйгіштік, елге деген құрмет пен мақтаныш сезімін қалыптастыру.
2. Тарихи сана қалыптастыру: Қазақстанның әскери тарихы, батырлары мен жауынгерлік жолы туралы білім беру, тарихи жадыны сақтау.
3. Ұрпақтар сабақтастығы: Батыр ата-бабаларымыздың ерлігін ұлықтап, жас ұрпаққа үлгі ету арқылы тарихи мұраны насихаттау.
       Бұл бұрыш оқу орнында тәрбиелік мәні зор құрал болып табылады және әскери-патриоттық бағыттағы тәрбие жұмысын жүйелі жүргізуге мүмкіндік береді.