Ата-аналарға арналған сауалнама «Балаңыз кітап оқиды ма?»
Аманжол Тұрғымбаев атындағы № 7 ЖОББМ
«Оқуға құштар мектеп» жобасы аясында
Ата-аналарға арналған сауалнама
«Балаңыз кітап оқиды ма?»
Мақсаты: Балалардың кітап оқуға деген қызығушылығын анықтау;отбасыдағы оқу мәдениетін зерттеу;кітап таңдаудағы басымдықтарды білу;балалардың оқу дағдыларын дамытуға ата-аналардың ықпалын зерттеу.
Ата-аналардан сауалнама жүргізудің негізгі мақсаты - олардың пікірлерін,ұсыныстарын және қажеттіліктерін анықтау.Осы орайда Аманжол Тұрғымбаев атындағы №7 ЖОББ мектеп кітапханасында 2025 жылдың 11 наурыз күні «Балалар кітапханасы» бағдарламасы аясында ата-аналардан "Балаңыз кітап оқиды ма?"атты сауалнама алынды.
Жүргізілген сауалнама нәтижесінде ата-аналардың балалардың кітап оқуына деген көзқарасы мен отбасындағы оқу мәдениеті туралы маңызды мәліметтер алынды. Сауалнамаға қатысқан ата-аналардың көпшілігі балаларының кітап оқуға қызығушылығы бар екенін айтты. Дегенмен, кейбір балалардың оқу дағдыларын дамытуда қиындықтары бар екені анықталды. Кейбір ата-аналар балаларымен бірге кітап оқуға уақыттың жетіспейтінін атап өтті.
Отбасыларға кітап оқу мәдениетін қалыптастыру бойынша кеңестер берілді.Балалардың жас ерекшелігіне сай қызықты кітаптар ұсынылды.
Негізгі қорытындылар төмендегідей:
1. Балалардың кітап оқуға қызығушылығы – Сауалнамаға қатысқан ата-аналардың көпшілігі балаларының кітап оқуға қызығушылығы бар екенін айтты. Дегенмен, кейбір балалардың оқу дағдыларын дамытуда қиындықтары бар екені анықталды.
2. Отбасындағы оқу мәдениеті – Көптеген ата-аналар балаларына кітап оқуды ұсынады, бірақ кейбір отбасыларда бұл дәстүр қалыптаспаған. Кейбір ата-аналар балаларымен бірге кітап оқуға уақыттың жетіспейтінін атап өтті.
3. Кітап таңдау үрдісі – Балалардың көбі ертегілер мен шытырман оқиғалы кітаптарды оқығанды ұнатады. Сонымен қатар, ғылыми-көпшілік және танымдық әдебиеттерге қызығушылық танытатын оқушылар да бар.
4. Ата-аналардың қолдауы – Кейбір ата-аналар балаларын кітап оқуға ынталандыру үшін түрлі әдістерді қолданады (мысалы, бірге оқу, кітап сыйлау, қызықтыру). Бірақ кейбір ата-аналар бұл бағытта жеткілікті жұмыс істемейтінін мойындады.
5. Кітап оқу барысында кездесетін қиындықтар – Балалардың кейбірі кітап оқуға уақыт бөлмейтінін немесе гаджеттерге көбірек қызығатынын айтты. Сонымен қатар, кейбір оқушылар ұзақ мәтіндерді түсінуде қиындық көретіні белгілі болды.
6. Ата-аналардың ұсыныстары – Ата-аналар мектеп пен кітапханалардан оқуға арналған қызықты іс-шаралар ұйымдастыруды, оқырмандар клубтарын құруды және балаларға арналған сапалы кітаптар тізімін ұсынуды сұрады.
Қорытынды ұсыныстар:
Балалардың кітапқа деген қызығушылығын арттыру үшін мектепте және үйде арнайы бағдарламалар енгізу.
Отбасыларға кітап оқу мәдениетін қалыптастыру бойынша кеңестер беру.
Балалардың жас ерекшелігіне сай қызықты кітаптар ұсыну.
Кітап оқуды қолдау мақсатында ата-аналармен бірлескен іс-шаралар өткізу.
Сауалнама нәтижелері ата-аналар, мұғалімдер және мектеп әкімшілігі үшін маңызды ақпарат көзі болып табылады. Бұл деректер балалардың оқу дағдыларын дамыту мен оқу мәдениетін нығайту бағытында тиімді шаралар қабылдауға көмектеседі.