27
февраль
2024
«Заманауи мектепті басқару: трендтер мен болашақ» тақырыбындағы семинар
23.02.2024 жылы Шымкент қаласында «Заманауи мектепті басқару: трендтер мен болашақ» тақырыбындағы семинар болып өтті. Семинарға оңтүстік өңірдегі мектеп басшылары қатысты. Кездесу барысында ҚР Оқу-ағарту министрі Ғани Бейсембаев білім беру сапасын арттыру бағытында мемлекет тарапынан атқарылып жатқан міндеттер мен шаралар туралы атап өтті. Атап айтқанда, балалардың қауіпсіздігін қамтамасыз ету, жайлы орта құру, цифрландыру, тиімді тәрбие жұмысын ұйымдастыру, инклюзивті білім беру және т.б. мәселелер сөз болды. Аталған іс-шарадан алған құнды ақпараттармен бөлісу мақсатында А.Тұрғымбаев атындағы №7 ЖОББМ ұжымымен кезектен тыс жиналыс өткіздім. Жиналыста педагогтерді аттестаттаудан өткізудегі өзгерістер, жаңа ережелер, платформадағы бағалау өлшемшарттары, білім беру саласындағы «Біртұтас тәрбие беру бағдарламасы» т.б орта білім берудің өзекті мәселелері мен озық тәжірибе таратуға арналған ауқымды мәселелерді қамтыдым.
