«Сәлемдесу мәдениеті »

Аманжол Тұрғымбаев атындағы № 7  ЖББОМ

«Балалар кітапханасы» бағыты бойынша 

«Сәлемдесу мәдениеті  » 

Дөңгелек үстел

Анықтама

Мақсаты: 

1) Сәлемдесудің түрлері, қалай сәлем керектігін үйрету. Сәлемдесудің бала тәрбиесіндегі алатын орнын анықтау.
 2) Сәлемдесуде дауыс ырғағы, жүріс - тұрысты реттеуге
 дағдыландыру;
 3) Сәлемдесу мәдениетіне, ізеттілікке, үлкенді
 сыйлауға тәрбиелеу.

4) Оқушыларды сәлемдесу мәдениетіне, ізгілікке, үлкенді сыйлауға үйрету.

А. Тұрғымбаев атындағы № 7 ЖОББМ кітапханасында 2024 жылы 25 қаңтар күні «Балалар кітапханасы» бағытын   іске асыру мақсатында   5-6  сынып білім алушылармен «Сәлемдесу мәдениеті» атты тақырыпта дөңгелек үстел өтті.         Іс-шара барысында мектеп кітапханашысы оқушыларға сәлемдесу мәдениеті туралы кітап көрмесіндегі «Сен білесің  бе?», «Қазақ халқының салт-дәстүрлері», «Қазақ халқының тұрмысы мен мәдениеті», «Қазақ мақал-мәтелдері» атты  энциклопедиядағы қазақтың ұлттық тәрбиесінің алтын қазығы - оның салт-дәстүрі мен әдет-ғұрпы туралы жүйелеп көрсетті.Оқушыларды қазақ халқының сәлем беру,сәлем алу, сәлемдесу рәсімдерін айту арқылы сыпайы,әдепті болуы керектігін түсіндірді.Сонымен қатар әдептілік,мәдениеттілік, тек амандасу ғана емес,ол мектептегі жүріс-тұрыс,қонақта өзін-өзі дұрыс ұстау, әрбір  адамдармен,сыныптас -құрбыларымен мейірімділікпен сөйлесу керектігі айтылды. Білім алушыларға сұрақтар қойылып, ашық әңгіме жүргізілді.