"Балдаурен" лагеріндегі оныншы күн!

Аманжол Тұрғымбаев атындағы №7 жалпы орта білім беретін мектеп жанындағы «Балдәурен» лагерінің 1 ауысым аяқталатын оныншы күні. Лагерь жұмыс істеген кезеңде балалар толықтай ыстық тамақпен қамтылды. Тәрбие және демалыс бағдарламасына сәйкес түрлі мәдени-көпшілік және спорттық іс-шаралар өткізілді. Атап айтқанда, «Кел, ән шырқайық» атты музыкалық сабақ ұйымдастырылып, балалардың шығармашылық қабілеттерін дамытуға жағдай жасалды. Сонымен қатар дене шынықтыру сабақтары өткізіліп, салауатты өмір салтын насихаттауға көңіл бөлінді. Лагерь барысында психолог балалармен жүйелі түрде жұмыс жүргізіп, олардың психологиялық ахуалын бақылап, жеке және топтық кеңестер ұйымдастырды. Лагердің оныншы күні жабылу салтанаты өткізілді. Лагерь жұмысы жоспарға сәйкес толық орындалып, 1 ауысымға өз жұмысын аяқтады.