Меркі аудандық «Бала би» зияткерлік байқауы

«Бір мақал-бір тағылым»

«Ақыл-жастан» көрініс

АНЫҚТАМА

2026 жылы 13 ақпан күні А.Тұрғымбаев атындағы №7 ЖОББ мектеп кітапханасында І кезеңінің тапсырмасы бойынша 8-сынып оқушыларымен «Ақыл – жастан» мақалын өмірден алынған шағын көрініс арқылы дәлелдеу мақсатында тәрбиелік шара өткізілді.

Шара барысында оқушылар «Кітап сыйла – болашаққа жол аш» тақырыбындағы сахналық көріністі қойып, білім мен ізденістің жасқа қарамайтынын көрсетті. Көріністе оқушылардың дайын жұмысты көшіру емес, өз ойымен ізденіп, кітапты дұрыс пайдалану арқылы кітап көрмесін жасау шешіміне келуі бейнеленді.

Қорытынды бөлімінде «Ақыл – жастан» мақалын нақты іс-әрекет арқылы дәлелдеп, ақыл мен парасаттың жастық шақтан басталатынын көрсетті. Оқушылар белсенділік танытып, шығармашылық қабілеттерін көрсете білді.

Шара тәрбиелік мәні зор, мазмұнды әрі тағылымды өтті.