«Құрылымдық қарым-қатынас психологиясы» тақырыбында өткізілген тренинг

«Құрылымдық қарым-қатынас психологиясы» тақырыбында өткізілген тренинг туралы анықтама
Өткізілген күні: 22-24.10.2025ж.
Жауапты маман: педагог-психолог А.К.Нысанова
Қатысушылар: 1–11 сынып оқушылары
Қатысқан оқушылар саны: 430 (26 оқушының ата-анасы қарсы)
Іс-шараның мақсаты
Білім алушылардың жас ерекшеліктеріне сәйкес құрылымдық қарым-қатынас дағдыларын қалыптастыру, тиімді коммуникация мәдениетін дамыту, белсенді тыңдау, өз ойын жүйелі жеткізу және қақтығыстарды конструктивті шешу қабілеттерін арттыру.
2. Міндеттері
Қарым-қатынастың психологиялық құрылымын түсіндіру;
Вербалды және вербалды емес қарым-қатынас ерекшеліктерін меңгерту;
Белсенді тыңдау және кері байланыс беру дағдыларын дамыту;
«Мен-хабарлама» әдісін тәжірибеде қолдануға үйрету;
Оқушылар арасында толерантты, құрметке негізделген орта қалыптастыру.
3. Өткізу форматы
Тренинг топтық жұмыс, рөлдік ойындар, жағдаяттық тапсырмалар, пікірталас және рефлексия әдістері арқылы ұйымдастырылды.
Әр жас ерекшелігіне сәйкес мазмұны бейімделді:
1–4 сыныптар:
Қарым-қатынастың қарапайым ережелері
Эмоцияны тану және түсіну
«Жылы сөз», «Телефон» ойындары
5–8 сыныптар:
Қарым-қатынас құрылымы (ақпарат беру, қабылдау, кері байланыс)
Белсенді тыңдау жаттығулары
Қақтығысты шешу бойынша рөлдік ойындар
9–11 сыныптар:
Қарым-қатынастың коммуникативтік, интерактивтік, перцептивтік аспектілері
«Мен-хабарлама» әдісі
Әлеуметтік желідегі коммуникацияны талдау
4. Қолданылған әдістер
Миға шабуыл
Жұптық және топтық жұмыс
Рөлдік ойын
Кейс-талдау
Рефлексия (бағдаршам, кері байланыс парағы)
5. Нәтижелері
Тренинг қорытындысы бойынша:
Оқушылардың 85–90%-ы белсенді тыңдау дағдысын тәжірибеде көрсетті;
Қатысушылардың басым бөлігі «Мен-хабарлама» әдісін дұрыс құрастыра алды;
Қақтығыс жағдайларын талдау барысында конструктивті шешімдер ұсынылды;
Оқушылар тарапынан оң кері байланыс берілді;
Сыныптарда психологиялық ахуалдың жақсаруы байқалды (бақылау және кері байланыс нәтижесінде).
6. Қорытынды
«Құрылымдық қарым-қатынас психологиясы» тақырыбындағы тренинг білім алушылардың коммуникативтік құзыреттілігін дамытуға, өзара түсіністік пен құрмет мәдениетін қалыптастыруға оң әсер етті.
Іс-шара тәрбиелік және психологиялық тұрғыдан тиімді ұйымдастырылды.
7. Ұсыныстар
1. Қарым-қатынас мәдениетін дамыту бағытындағы жұмыстарды жүйелі түрде жалғастыру;2. Сынып сағаттарына құрылымдық коммуникация элементтерін енгізу;3. Ата-аналарға арналған ақпараттық семинар ұйымдастыру;4. Қақтығыстардың алдын алу бойынша мектепішілік бағдарламаны бекіту.