Жамбыл облысы Полиция департаментінде ішкі істер органдары ардагерлерінің күніне арналған салтанатты іс-шара
Жамбыл облысында ішкі істер органдары ардагерлерінің күні аталып өтті.
2025 жылдың 10 қараша күні Жамбыл облысы Полиция департаментінде ішкі істер органдары ардагерлерінің күніне арналған салтанатты іс-шара өтті. Салтанатты мерекеге Меркі ауданынан Мұхтар Әуезов атындағы жалпы орта білім беретін мектеп лицейінің жас сақшы сынып оқушылары мен жетекшілері қатысты. Халық Қаһарманы Ғазиз Байтасовтың фильмін тамашалап, көрмесіне саяхат жасады.Оқушылар өлең жолдарын оқып,күй тартып өз өнерлерін тарту етті. «Жас сақшы» сыныбын ашуға бастамашы болып,құқықтық сауаттылығын арттыруға және өмірлік дұрыс бағдар беру ісіне қосқан зор үлесі үшін Меркі ауданы білім бөлімінің әдіскері Метеркулова Сауле Абдибаевна, Мұхтар Әуезов атындағы жалпы орта білім беретін мектеп лицейінің жас сақшы сыныбының жетекшісі Толғанбай Ғалымжан Бейбітұлы,Аманжол Тұрғымбаев атындағы №7 жалпы орта білім беретін мектептің құқықтық тәрбие орынбасары Тлембаева Айжан Серікқызы Жамбыл облысы Полиция департаментінің алғыс хатымен марапаттады.Іс-шара мерекелік концертпен жалғасып, жылы лебіздер мен естеліктерге толы кешпен аяқталды.
