«Менің құқықтық алаңым» және «Қоғамдық орында өзіңді ұстай білесің бе?» тақырыптарында «Жас сақшылар» мен ашық әңгіме өткізілді

Аманжол Тұрғымбаев атындағы№7 жалпы орта білім беретін мектебінде сәуір айының 21 күні «Менің құқықтық алаңым» және «Қоғамдық орында өзіңді ұстай білесің бе?» тақырыптарында «Жас сақшылар» мен ашық әңгіме мен диспут – оқушылардың құқықтық сауаттылығын арттыру, қоғамдық тәртіп пен жеке жауапкершілік туралы түсініктерін кеңейтуге бағытталған тәрбиелік іс-шара. Мақсаты: - Оқушылардың құқықтары мен міндеттері туралы білімін арттыру. - Қоғамдық ортада өзін-өзі ұстау мәдениетін қалыптастыру.
- Тұлғалық және азаматтық ұстанымды дамыту.
- Сыни ойлау, пікір айту және қорытынды шығару қабілеттерін жетілдіру.
- Құқықтық мәдениет пен тәртіпке деген оң көзқарас қалыптастыру.
         Ашық әңгіме барысында оқушылар өздерінің күнделікті өмірде кездесетін құқықтық жағдайлар туралы ой бөлісіп, өз құқықтарын қалай қорғай алатыны жайлы талқылады. «Қоғамдық орында өзіңді ұстай білесің бе?» тақырыбындағы диспут кезінде қатысушылар қоғамдық тәртіп, мінез-құлық нормалары, мәдени қарым-қатынас туралы өз пікірлерін айтып, түрлі жағдайларға баға берді. Пікірталас ашық әрі еркін форматта өтті, нақты мысалдар келтіріліп, заң талаптары түсіндірілді.
         Іс-шара оқушылардың құқықтық ой-өрісін кеңейтіп, қоғамдағы орнын түсінуге, тәртіп пен заңға құрметпен қарауға тәрбиеледі. Мұндай ашық форматтағы кездесулер оқушылардың азаматтық белсенділігін арттырып, жауапты мінез-құлық қалыптастыруда маңызды рөл атқарады

Осы беттің QR-коды:
QR-код этой страницы: