«Оқуға құштар мектеп» жобасын іске асыру мақсатында «Балаларға қалай және нені оқуға болады?» Ата-аналармен кездесу.
Аманжол Тұрғымбаев атындағы №7 ЖОББ мектебінде 2024 жылы қантар айының 19 күні «Оқуға құштар мектеп» жобасын іске асыру мақсатында «Балаларға қалай және нені оқуға болады?» тақырыбында мектебіміздің ата-аналарымен кездесу өтті. Кездесу барысында ата-аналар кітапхананың кітап қорымен танысты. Мектеп кітапханашысы баланы ең бірінші кезекте кітапқа қызықтыра білген абзалырақ екенін айтты. Кітап оқуға құмартқан бала керек кітапты қайдан табу керектігін түсініп, кітапханаға келетінін және кітап оқу – бұл тек бос уақытты қызық өткізу ғана емес, білімін жан-жақты арттырудың негізі, кітапхана баланың мәдениетпен танысуының алғашқы кезеңі екенін баяндады. Ата-аналар өздерінің бала кездерінде оқыған көркем шығармаларын естеріне түсіріп, ойларын ортаға салды. 
