Мектеп ұстаздары ата-аналардан іс-шараларға, мерекелерге заңсыз ақша жинауға және сыйақы алуға қатан түрде тыйым салынатындығы туралы мектеп директоры Р.З.Сейтказиев ескерту жұмысын жүргізді.

А.Тұрғымбаев атындағы №7 жалпы орта білім беретін мектеп
      Меркі ауданы әкімдігінің білім бөлімінің 23.09.2022ж. №334-Ө «Білім беру ұйымдарында ақша қаражатын жинауға жол бермеу туралы» хатына сәйкес мектепте оқушылар мен олардың ана-аналарынан, педагогтардан заңсыз ақша жинау фактілеріне байланысты мектепте төмендегідей жұмыс жүргізілді.
      Мектеп ұстаздары ата-аналардан іс-шараларға, мерекелерге заңсыз ақша жинауға және сыйақы алуға қатан түрде тыйым салынатындығы туралы мектеп директоры Р.З.Сейтказиев  ескерту жұмысын жүргізді. 
       Мектеп ұстаздарына директордың құқықтық тәрбие ісі жөніндегі орынбасары Ж.Ш.Имашовтың ұйымдастыруымен Қазақстан Республикасының сыбайлас жемқорлыққа қарсы күрес пен білім беру саласындағы заңнамаларын жүйелі түрде оқыту жұмыстары өткізілді.
      Мектепте ата-аналар мен білім алушылар үшін ақша қаражатын жинауға жол бермеуге арналған «Сенім жәшігі» жұмыс атқаруда, ол туралы ата-аналарға хабарламалар берілді.
      Мектепте заңсыз ақша жинау, сыбайлас жемқорлық фактілерінің алдын алу мақсатында жүргізілген жұмыстары  жалғастырылып, қатаң түрде бақылауға алынды.