«Оқуға құштар мектеп» жобасы аясында жүргізілген «Сен кітабыңды оған сыйласаң, жақсы ісің өзіңе қайта оралады»

Аманжол Тұрғымбаев атындағы № 7  ЖОББМ
«Оқуға құштар мектеп» жобасы аясында жүргізілген
 «Сен кітабыңды оған сыйласаң, жақсы ісің өзіңе қайта оралады» 
Анықтама
2021 жылдың 10 желтоқсан күні мектеп кітапханасында 9- 11 сынып оқушылар арасында «Оқуға құштар мектеп» жобасы аясында жүргізілген «Сыйлыққа кітап » атты акциясының «Сен кітабыңды оған сыйласаң, жақсы ісің өзіңе қайта оралады» атты   пікірталас өткізілді. Пікірталасты ұйымдастырған 9-11 сынып жетекшілері мен мектеп кітапханашысы Каимбаева Майя ұйымдастырды. Әділ – қазылар алқасы сайлып, әр топ өздерін таныстырды. Қазылар алқасының құрамында қазақ тілі мен әдебиеті пәнінің мұғалімі Бахытова А.Е. , тәлімгер Охапова Г. А.,  және мектеп психологі Нысанова А. К. болды. 

1. Топ – жақтаушы,   ІI-  Топ – даттаушы топ болып бөлінді. Жақтаушы топ қатысушылары 

«Сен кітабыңды оған сыйласаң, жақсы ісің өзіңе қайта оралады» деген пікірге келісіп, өз пікірлерін білдірді. Ал даттаушы топ қатысушылары болса, бұл пікірге келіспейтіндіктерін жеткізді.  Мысалы, І – топ басшысы Мухамметова Айсауле « Қандай да бір жақсылық жасасаң ерте ме, кеш пе әйтеуір өзіңе оралады. Кітапқа тек кітап ретінде ғана қарап қоймай, оны басқа да нәрселермен салыстыруға болады» - деп өз тобының алға шығуына септігін жасады. Ал даттаушы топ мүшесі Тұрғымбаева Маржан болса, өздері ұстанып отырған пікірден алшақтамауға тырысып, бақты. Ол өз кезегінде: Әр адам жақсылықты өзі үшін жинайды емес пе? Ал жақсылық дегеніміз- тек қана бір кітаппен ғана шектелмейтінін айтып пікірталастың жанданып, одан әрі қызықты болуына ықпалын тигізді. 
 Пікірталас қорытындысы бойынша сөз кезегі мектеп психологі Нысановаға берілді. Әр топ мүшелерінің пікірлерінің құнды екендіктері айтылып, екі топқа да өз алғысын жеткізді.