«Спорт – нашақорлыққа қарсы» ұранымен өткізілген спорттық жарыс

Аманжол Тұрғымбаев атындағы №7 жалпы орта білім беретін мектебінде ағымдағы жылдың сәуір айының 21 күні «Спорт – нашақорлыққа қарсы» ұранымен өткізілген спорттық жарыс – жасөспірімдер мен жастар арасында салауатты өмір салтын насихаттау, зиянды әдеттердің алдын алу және спортқа деген қызығушылықты арттыру мақсатында ұйымдастырылған іс-шара.
Іс-шараның мақсаты:
- Қатысушыларды нашақорлықтың зияны туралы ақпараттандыру;
- Жастар арасында салауатты өмір салтын қалыптастыру;
- Спорт арқылы зиянды әдеттерден аулақ болуға үндеу;
- Ұжымдық рухты, бірлік пен достықты дамыту.
    Оқушылар арасында әртүрлі спорт түрлерінен (мысалы: эстафета, арқан тарту және т.б.) жарыстар ұйымдастырылды. Қатысушылар белсенділік танытып, спорттың денсаулыққа пайдасы туралы мәліметтермен бөлісті. Іс-шара соңында жеңімпаздарға марапаттар мен алғыс хаттар табысталды.
     Жарыс оқушылар арасында үлкен қызығушылық тудырып, оларды спортқа тарту арқылы зиянды әдеттерден аулақ болудың маңыздылығын көрсетті. Мұндай шаралар жасөспірімдердің дұрыс таңдау жасауына және салауатты өмір салтын ұстануына оң әсер етеді.