«Мен таңдаған мамандық» тақырыбында кездесу

2024 жылдың 12 ақпан күні 2023-2024 оқу жылындағы мектеп бітірушілерді болашақ мамандық таңдауға бейімдеу және кәсіби бағыт – бағдар беру мақсатында «Мен таңдаған мамандық» тақырыбында 2018-2019 оқу жылында мектепті бітіріп, қазіргі таңда Абай атындағы Қазақ ұлттық педагогикалық университетінің «Химия мұғалімдерін дайындау» факультетін тәмамдап, аталған оқу орнының магистратурасының І курс студенті Оралбай Нұрсұлтан Нұржанұлымен кездесу өтті. 
 Кездесуге келген студентіміз жоғарғы оқу орнымен таныстырып, ондағы мамандықтар туралы қажетті ақпараттар және ҰБТ-ге дайындық жұмыстарын жүргізу барысында оқушыларға пайдалы кеңестер берді. Іс-шара соңында  оқушыларға өзінің жылы лебізін және алдағы ҰБТ-ді сәтті тапсыру бойынша өз тілегін білдірді.